צריכין פרנסה האט געשריבן: דאנערשטאג סעפטעמבער 11, 2025 2:33 am
גרינטליך האט געשריבן: מיטוואך סעפטעמבער 10, 2025 5:49 pm
לאמיר האפן אז יעצט וועלן די "אנשי שם" וואס האבן א איינגערעטע חשוב'ע נאמען, נישט טרינקן די בלוט פון די קומעדיג יוצאים לגבי מוסדות.
אפשר איז דאס א גוט'ע זאך די עסקנים זאל'ן וויסן אז מאנסי איז נישט קיין עצה, ווייל דארט איז נישט דא קיין מוסדות, אדער אפשר גאר, זאל מען פשוט גלייך גיין צי אידטיש ווי מ'וועט דריקן אויף די מנהלים א טייל זענען דא אידטיש ליינערס, (אזוי ווי ס'האט זיך גאנץ קלאר ארויסגעשטעלט) און פארטיג?
העמיר לאזן די עסקנים באשטעטיגען.
טייערע @גרינטליך , ווי אויך אלע אנדערע חשוב'ע ניק'ס מיט אידישע הערצער:
סהדי במרומים, איך זיך ח"ו נישט זיך צו בארימען, נאר לתועלת הענין. אני השפל והנבזה האב געהאט די זכי' צו זיין נאנט, און גאר נאנט, צו די סעטואציע לגבי די מוסדות פון די קינדער פון הרי"ה שליט"א, ווי אויך צו דער גאנצע שטוב ארום און ארום.
בינעך שוין געזיצן דערויף אסיפות שעות ע"ג שעות טייערע צייט, מיט פארנומענע מענטשן נגידים ואנשי שם, וועלכע האבן גרויסע זכותים דא נאך אסאך פאר די נושא פון די מוסדות.
אזויפיל קען איך אייך זאגן. מאנסי איז נישט אזא סדום ווי איר מאכט עס, לגבי די מוסדות קען מען טאקע זאגן אז עס זיצן ביים שטייסל אפאר פארשטייפטע פערזאנען, אבער לדעתי העני', אפצורעדן יוצאי לב טהור פון קומען אויף מאנסי קען זיין א גרויסער טעות, און גאר א גרויסער.
מאנסי האט געוואלדיגע מעלות, זייענדיג פון איין זייט א רעלאטיוו נייטראלער שטאט, מיט אסאך אידן מיט בעקגראונד'ס וואס פירן העכסט נארמאלע שטובער, און פון די צווייטע זייט גאר א שיינע היימישע, ווי אויך סאטמארע'ר, עולם.
אדרבא, פרעגט ר' יואל העניך אליינ'ס, ווי שיין דער עולם האט אים אויפגענומען, מיט אויסגעשפרייטע ארעמעס, און אויסגעשפרייטע הענט..
די נעמען פון ר' יואל העניך'ס באקאנטע ענדיגן זיך ווייט נישט ביי די צוויי אויבנדערמאנטע נעמען, א געוואלד פון סאטמאר'ע נגידים (פון ביידע קהילות) און סתם גוטע אידן האבן דעם איד מחי' געווען, וואס אנכי השפל בין עדות דערויף, טוענדיג דערין.
ווי אויך אני הק' פריוואט, וואס איך האב גאנץ א קנאפע צו די נושא פון לב טהור, בפרט צו די עסקנות חלק, וואס ניטאמאל איינער פון די עסקנים ושושביניהם ווייסט מיין נאמען. אבער אין די שיינע קבלת פנים פון מאנסי פאר הר"ר יואל העניך, האב איך גענומען א שיינער חלק ב"ה, און ווי מ'זאגט, ס'איז זיך בכלל נישט זיך אפצורעדן.
אלע שכנים זענען גאר גאר גוטע פריינט, און שטייען צו הילף מיט די קינדער וכדו', ווען עס פעלט זיך נאר אויס, ווי אויך נאך פיל אשר א"א לפורטם.
בקיצור: מאנסי, דער רעלאטיוו רואיגער און סאלידער שטאט, פול מיט ווארעמע אידן פון אלע זייטן, קען זיין גאר א פאסיגע מקום מנוחה פאר די אויסגעמוטשעטע אידן, זיי ארויסצוהעלפן מיט אלע זייערע בעדערפענישן וואס ווארט זיי אפ אנהייבנדיג שרייבן זייער נייע בלאט אין לעבן.
איך האב גענומען די מיה צו שרייבן, הגם שאיני רגיל בכך, היות איך ווייס אז דער סייט האט א גרויסער השפעה, ווי אויך, אסאך יוצאי ל"ט ליינען דא, און ברויכן צו וויסן די צווייטע זייט מטבע.
(נאכאמאל: די מוסדות איז טאקע א ערנסטע טשעלענדזש, האפנטליך "געווען". ס'איז גאנץ קלאר אבער די איבערוועגנדע מעלות טובות)